Windows 95 ခေတ်ကတည်းက သတ်မှတ်ထားတဲ့ 32GB FAT32 Limit ကို Windows 11 မှာ အပြီးတိုင် နှုတ်ဆက်လိုက်ပါပြီ။ ဒါဟာ Tech သမားတွေနဲ့ User တွေအတွက် တကယ့်ကို အဆင်ပြေသွားစေမဲ့ Update တစ်ခုပဲ ဖြစ်ပါတယ်။ Microsoft Windows မှာ ဆယ်စုနှစ် ၃ ခုနီးပါးကြာအောင် သတ်မှတ်ထားခဲ့တဲ့ FAT32 32GB Limit ကို ပယ်ဖျက်လိုက်ပြီး Storage ပိုင်းဆိုင်ရာ မြန်ဆန်မှုတွေကို မြှင့်တင်ပေးလိုက်တဲ့ သတင်းဟာ လူပြောများနေပါတယ်။ ဒီတော့ ပြောင်းလဲမှုရဲ့ အဓိကအချက်တွေကို Techzy ကနေ အနှစ်ချုပ်ဖော်ပြပေးလိုက်ပါတယ်။
၃၂ နှစ်ကြာ 32GB FAT32 ကန့်သတ်ချက်ကို ဖယ်ရှားခြင်း
Windows 95 ခေတ်ကတည်းက Windows ရဲ့ Format ရိုက်တဲ့နေရာမှာ FAT32 Partition ကို 32GB ထက် ပိုခွဲလို့မရအောင် ကန့်သတ်ထားခဲ့တာပါ။ တကယ်တော့ FAT32 နည်းပညာဟာ 2TB အထိ support ပေးနိုင်စွမ်း ရှိသော်လည်း NTFS သုံးစွဲမှုကို မြှင့်တင်ဖို့အတွက် Microsoft က တမင်ကန့်သတ်ထားခဲ့တာ ဖြစ်ပါတယ်။ အခုအခါမှာတော့ Windows 11 (Canary builds ကစပြီး) မှာ Command Line ကနေတစ်ဆင့် 2TB အထိ FAT32 Format ရိုက်နိုင်ပြီ ဖြစ်ပါတယ်။ သတိပြုရန်အချက်မှာ Partition size ကန့်သတ်ချက်ကို ပယ်ဖျက်လိုက်ပေမဲ့ 4GB ထက်ကြီးတဲ့ File တစ်ခုတည်း (Single File) ကို သိမ်းလို့မရတဲ့ ကန့်သတ်ချက်ကတော့ FAT32 ရဲ့ သဘာဝအရ ဆက်ရှိနေဦးမှာ ဖြစ်ပါတယ်။
Format UI ကို ခေတ်မီအောင် ပြင်ဆင်ခြင်း
၁၉၉၄ ခုနှစ်ကတည်းက မပြောင်းလဲဘဲရှိနေတဲ့ “Format” Dialog Box (Window အသေးလေး) ကိုလည်း Windows 11 ရဲ့ “Settings” ဒီဇိုင်းသစ်နဲ့အညီ ခေတ်မီအောင် ပြန်လည်ပြင်ဆင်နေပါတယ်။ ဒါဟာ Windows ရဲ့ ရှေးဟောင်းအမွေအနှစ် UI တစ်ခုကို ခေတ်သစ်ဒီဇိုင်းနဲ့ အစားထိုးလိုက်တာလည်း ဖြစ်ပါတယ်။
Storage ပိုင်းဆိုင်ရာ နည်းပညာသစ်များဖြင့် မြန်ဆန်လာခြင်း
Windows 11 ဟာ Storage စွမ်းဆောင်ရည်အတွက် နည်းပညာအသစ်တွေကို ထည့်သွင်းထားပါတယ်
၁။ DirectStorage
Game အချက်အလက်တွေကို CPU ကို ကျော်ပြီး NVMe SSD ကနေ GPU ဆီ တိုက်ရိုက်ပို့ပေးတဲ့အတွက် Game Load တက်တာတွေ သိသိသာသာ မြန်ဆန်လာမှာပါ။
၂။ Block Cloning
ReFS (Resilient File System) ရဲ့ စွမ်းဆောင်ရည်ကြောင့် File တွေကို Copy ကူးတဲ့အခါမှာ အချိန်မကြာဘဲ ချက်ချင်းပြီးစီးအောင် ပြုလုပ်ပေးနိုင်မှာ ဖြစ်ပါတယ်။
ဘာကြောင့် အခုမှ FAT32 ကို ပြန်ပြင်တာလဲ?
အခုခေတ်မှာ NTFS နဲ့ exFAT တွေကိုပဲ အဓိကသုံးကြပေမဲ့ FAT32 ဟာ နေရာအတော်များများမှာ အရေးပါနေဆဲဖြစ်ပါတယ်။ ဥပမာအားဖြင့် 3D Printer တွေနဲ့ Game Console ဟောင်းတွေမှာ FAT32 ကိုပဲ လက်ခံတာမျိုး ရှိတတ်သလို၊ Linux သို့မဟုတ် macOS တို့လို အခြား OS တွေနဲ့ ချိတ်ဆက်တဲ့အခါမှာလည်း FAT32 က အဆင်အပြေဆုံး ဖြစ်ပါတယ်။ အရင်က 32GB ထက်ကြီးတဲ့ USB Drive တွေကို FAT32 Format ရိုက်ချင်ရင် တခြား Software (Third-party tools) တွေ သုံးခဲ့ရပေမဲ့ အခုတော့ Windows ထဲမှာတင် အလွယ်တကူ လုပ်ဆောင်နိုင်တော့မှာ ဖြစ်ပါတယ်။
jdbkx
