ယူနီကုဒ် ဆိုတာကို နားလည်အောင်ပြောရရင် ကမ္ဘာသုံးစကား အားလုံးမှ အက္ခရာစာလုံး တစ်လုံးတိုင်းအတွက် တိကျတဲ့ နံပါတ် တစ်လုံးတည်းကိုပဲ သတ်မှတ်ပေးထားတဲ့ ဘုံသုံးစနစ်လို့လည်း ခေါ်ဆိုပါတယ်။

ယူနီကုဒ်နဲ့ စကားပေါင်းများစွာကို Font တစ်ခုတည်းတွင် ထည့်သွင်းနိုင်ပြီး ဘယ်ကွန်ပျူတာစနစ်မှာမဆို အသုံးပြုနိုင်ပါတယ်။ ကွန်ပျူတာ ဆိုတာက ကိန်းဂဏန်းများကိုသာ သိတယ်ဟု ယေဘုယျအားဖြင့် ပြောနိုင်တယ်ပေါ့။ ကွန်ပျူတာမှာ ဖတ်မှတ်ခြင်း၊ သိမ်းဆည်းခြင်းများကို ကိန်းဂဏန်းတွေနဲ့ပဲ ပြုလုပ်ပါတယ်။ ယူနီကုဒ်ကို မတီထွင်နိုင်တုန်းက ကိန်းဂဏန်းတစ်ခုကို သိရှိနိုင်ဖို့အတွက် လျှို့ဝှက်ကိန်းစနစ်များစွာကို အသုံးပြုကြရတယ်။ စကား တစ်ခုအတွက် ပြည့်စုံလုံလောက်သော encoding စနစ်များတော့ မရှိခဲ့ပါဘူး။

ယူနီကုဒ်စနစ်မှာ မြန်မာအက္ခရာတစ်လုံးချင်းစီအတွက် U 1000 မှ U 109F အတွင်းတွင် သီးခြားသတ်မှတ်ပေးထားပါတယ်။ မြန်မာယူနီကုဒ်မှာ မွန်၊ ကရင်၊ ကယား၊ ရှမ်း နှင့် ပလောင်ဘာသာစကားများအတွက် ပါဝင်ပြီးတော့ ပါဠိနဲ့ သက္ကရိုက်ဘာသာစကားကိုလည်း အသုံးပြုနိုင်ပါတယ်။

ဟိုးအရင်တုန်းက ယူနီကုဒ် ကိုသုံးဖို့အတွက်ဆိုရင် သာလွန် ၊ မြန်မာ ၁ / ၂/ ၃ ၊ ပိတောက် စတဲ့ Font အနည်းငယ်လောက်ပဲ ရှိခဲ့ပေမဲ့ ခုတော့ နည်းပညာချစ်သူတို့ရဲ့ ကြိုးစားအားထုတ်မှုကြောင့် ယူနီကုဒ်စနစ်ကိုသုံးထားတဲ့ မြန်မာ font တွေ အများကြီး ထွက်လာပါပြီ။ လိုအပ်သူများ အောက်မှာပေးထားတဲ့ Link ကနေ Download လုပ်ယူနိုင်ပါတယ်။

Download ပြုလုပ်ရန် နှိပ်ပါ

#jdbkx.com #MyanmarUnicodeFontCollection #မြန်မာယူနီကုဒ်ဖောင့်များစုစည်းမှု #Software #Online #Games #Myanmar #OnlineGamesMyanmar