အရင်က Microsoft ဟာ Hardware နဲ့ Software အဟောင်းတွေနဲ့ အဆင်ပြေအောင် အလေးထားခဲ့ပေမဲ့ အခုတော့ Windows Update ကို ပိုမိုရိုးရှင်းစေပြီး ရှုပ်ထွေးမှုတွေ လျှော့ချနိုင်ဖို့အတွက် Legacy Driver တွေကို တဖြည်းဖြည်း ရပ်ဆိုင်းတော့မယ်လို့ ကြေညာလိုက်ပါတယ်။
မကြာသေးခင်က Windows Hardware Program က မိတ်ဖက်တွေကို ပို့ခဲ့တဲ့ Post တစ်ခုအရ Microsoft ဟာ Windows Update System ကနေ Legacy Driver တွေကို ဖယ်ရှားဖို့ လုပ်ဆောင်နေပါတယ်။ ကုမ္ပဏီက လုံခြုံရေးနဲ့ လိုက်ဖက်ညီမှုဆိုင်ရာ ပြဿနာတွေကို လျှော့ချချင်တာကြောင့် ဒီလို မဟာဗျူဟာမြောက်တဲ့ ဆုံးဖြတ်ချက်ကို ချခဲ့တာပါ။ ဒါပေမဲ့ ဒီလုပ်ဆောင်ချက်ဟာ Windows Ecosystem ထဲမှာ အရင်ကလို အဟောင်းတွေနဲ့ ပြန်လည်အဆင်ပြေမှု (backward compatibility) ကို သိသိသာသာ ထိခိုက်စေနိုင်ပါတယ်။
မကြာခင်ကာလမှာ Microsoft ဟာ Windows Update ကနေ နောက်ဆုံးပေါ်နဲ့ အကောင်းဆုံး Peripheral Driver တွေကိုပဲ ပံ့ပိုးပေးဖို့ ရည်ရွယ်ထားပါတယ်။ ဒီရည်မှန်းချက် အောင်မြင်ဖို့အတွက် ကုမ္ပဏီဟာ Driver Catalog ထဲမှာ ရှင်းလင်းရေးလုပ်ငန်းတွေကို ပုံမှန် လုပ်ဆောင်သွားမှာပါ။ ဒါ့ကြောင့် Windows Update ကိုပဲ အားကိုးနေတဲ့ စနစ်အချို့မှာ Driver အချို့ကို ထပ်ပြီး ပံ့ပိုးပေးတော့မှာ မဟုတ်ပါဘူး။
Microsoft ရဲ့ ပြောကြားချက်အရ ပထမဆုံး ဖယ်ရှားမဲ့ Legacy Driver တွေကတော့ Windows Update ကနေ အသစ် မရနိုင်တော့တဲ့ Driver တွေ ဖြစ်ပါတယ်။ ဆိုလိုတာကတော့ သီးခြား Peripheral Driver အချို့ သက်တမ်းကုန်သွားတဲ့အခါ Windows Update ကနေတဆင့် Install လုပ်လို့ရတော့မှာ မဟုတ်ပါဘူး။ Hardware ထုတ်လုပ်သူတွေအနေနဲ့ ဒီလိုသက်တမ်းကုန်သွားတဲ့ Driver တွေကို ပြန်ထည့်ပေးဖို့ Microsoft ကို တောင်းဆိုနိုင်ပေမဲ့ အကြောင်းပြချက်ပေးဖို့တော့ လိုအပ်ပါလိမ့်မယ်။
Microsoft ဟာ Windows Update ကနေ Driver Support အဟောင်းတွေကို ဖယ်ရှားမဲ့ လာမဲ့အကြီးစားအပြောင်းအလဲကို သိထားတာကြောင့် အပြောင်းအလဲတွေကို ဖြည်းဖြည်းချင်းပဲ လုပ်ဆောင်သွားဖို့ စီစဉ်ထားပါတယ်။ ကနဦး ရှင်းလင်းမှုတွေ ပြီးတာနဲ့ ကုမ္ပဏီက ခေတ်မမီတော့တဲ့ ပထမအသုတ် Driver အဟောင်းတွေ ဖယ်ရှားပြီးကြောင်း အတည်ပြုတဲ့ Blog Post တစ်ခုကို ထုတ်ပြန်ပါလိမ့်မယ်။ အဲဒီနောက်မှာ ထုတ်လုပ်သူတွေအနေနဲ့ Driver Download တွေကို ပြန်ထည့်ဖို့ ခြောက်လအချိန်ရပါလိမ့်မယ်။
Driver တွေကို ဖယ်ရှားခြင်းဟာ လုံခြုံရေးကိုမြှင့်တင်ဖို့နဲ့ Windows အသုံးပြုသူတွေအတွက် ပိုမိုအရည်အသွေးမြင့်တဲ့ Driver တွေ ရရှိစေဖို့ ရည်ရွယ်တဲ့ကြိုတင်ကာကွယ်မှုတစ်ခုပါလို့ Microsoft က ဆိုပါတယ်။ ကုမ္ပဏီဟာ Driver ရှင်းလင်းခြင်းကို ပုံမှန် Optimization လုပ်ငန်းစဉ်တစ်ခုအဖြစ် လုပ်ဆောင်သွားဖို့ ရည်ရွယ်ထားတာကြောင့် ထုတ်လုပ်သူတွေကို Windows Hardware Program မှာ သူတို့ရဲ့ လက်ရှိ Driver တွေကို ပြန်လည်စစ်ဆေးဖို့ အကြံပေးထားပါတယ်။
Microsoft ဟာ Windows Update ကို Patch တွေနဲ့ အခြား Content တွေကို ပိုမိုပေါ့ပါးပြီး ယုံကြည်စိတ်ချရတဲ့ ဝန်ဆောင်မှုတစ်ခု ဖြစ်လာအောင် လုပ်ဆောင်နေပေမဲ့ အရင်က WSUS Driver Synchronization မှာလိုပဲ ပြန်လည်ပြင်ဆင်ဖို့ ဖိအားတွေနဲ့ ရင်ဆိုင်ရနိုင်ပါတယ်။ သန်းပေါင်းများစွာသော အသုံးပြုသူတွေအတွက် Windows Update က ဘယ်လောက် မကြာခဏ ခေါင်းကိုက်စရာ ဖြစ်စေခဲ့လဲဆိုတာ ကြည့်ရင်သိသာထင်ရှားတဲ့ Optimization တွေကနေ အကျိုးအမြတ်ရရှိမှာ သေချာပါတယ်။
ဒါပေမဲ့ Microsoft က အမျိုးမျိုးသော Software Download တွေကို ပိုမိုထိရောက်စွာ စီမံခန့်ခွဲခြင်းဖြင့် Windows အတွေ့အကြုံ တစ်ခုလုံးကို မြှင့်တင်ပေးနိုင်တဲ့ Windows Update ရဲ့ အလားအလာအပေါ် ဆက်လက်ယုံကြည်နေဆဲပါပဲ။
Source: techcommunity.microsoft.com
